هوا انت طبيعي؟

الإنسان المسيحي مش إنسان عادي.

هويتنا الأرثوذكسية بتقول إننا أولاد الله، وده يميزنا عن منطق العالم.

إحنا مش بنعيش عشان نرضي الناس أو نمشي مع التيار، لكن عشان نثبت في المسيح.

العالم حوالينا بيقول: "البقاء للأقوى." 💪 يعني اللي يعرف يفرض نفسه، يصرخ بصوت أعلى، وياخد مكانه بالقوة… هو اللي ينجح ويكمل.

――――――――――――――

✨ ٣ نقت للمناقشة:

1️⃣ البقاء مش للأقوى… لكن لليعيش في الإيمان✝️

2️⃣ الثبات في الهوية حتى لو رفضني الناس 🪶

3️⃣ السباحة ضد التيار للوصول للمنبع 🐟

――――――――――――――

1️⃣ البقاء مش للأقوى… لكن لليعيش في الإيمان ✝️

العالم يقول: "القوة = نجاح. "

لكن المسيح قال: "كن أمينًا إلى الموت فسأعطيك إكليل الحياة." (رؤيا ٢: ١٠)

القوة في عيون العالم مرتبطة بالسلطة، بالصوت العالي، أو بالانتصار الظاهري. لكن في عيون المسيح: الأمين هو القوي بإيمانة و محبتة، حتى لو شكله ضعيف في نظر الناس.

القديس بولس قال: "حينما أنا ضعيف فحينئذ أنا قوي." (٢ كورنثوس ١٢: ١٠)القوة مش في إنك تغلب غيرك… لكن في إنك تغلب ذاتك وتتمسك بالإيمان لآخر لحظة.

――――――――――――――

2️⃣ الثبات في الهوية حتى لو رفضني الناس 🪶

العالم يتلوّن مع الظروف: النهارده يقول كلمة، وبكره يغيّرها عشان يرضي الكل.

لكن المسيح قال: "ليكن كلامكم نعم نعم، لا لا، وما زاد على ذلك فهو من الشرير." (متى ٥: ٣٧)

القديس بولس وضّح المبدأ بوضوح شديد:"إن كنت بعد أرضي الناس فلست عبدًا للمسيح." (غلاطية ١: ١٠)

الإنسان المسيحي الحقيقي ما يغيّرش هويته عشان يقبلوه… لكنه يثبت في الحق حتى لو الناس رفضته. زي الثلاثة فتية اللي رفضوا يسجدوا لتمثال الملك (دانيال ٣)، فضلوا ثابتين في هويتهم حتى وسط النار، لأن رضا الله أغلى من رضا البشر.

――――――――――――――

3️⃣ السباحة ضد التيار للوصول للمنبع 🐟

السالمون بيسبحوا عكس التيار عشان يوصلوا للمنبع.المسيحي الحقيقي كده: العالم كله يجري وراء الشهوات، الكبرياء، حب الظهور… لكن هو يختار يسبح عكس الاتجاه.

بولس الرسول قال: "لا تشاكلوا هذا الدهر، بل تغيروا عن شكلكم بتجديد أذهانكم." (رومية ١٢: ٢)

يعني: ما تعيشوش زي العالم، لكن خلوا المسيح يشكّلكم بشكل جديد.

حتى لو "الأغلبية" ماشية في اتجاه معين، المسيحي يفتكر إنه مدعو يسير في طريق ضيق."ما أضيق الباب وأكرب الطريق الذي يؤدي إلى الحياة، وقليلون هم الذين يجدونه." (متى ٧: ١٤)

――――――――――――――

🌱 الخلاصة

العالم يقول: "البقاء للأقوى."لكن الإنجيل يقول: "البقاء للأمين، للثابت، للذي يتمسك بالحق حتى ضد التيار.

الإنسان المسيحي مش "إنسان عادي" يغير نبرته أو هويته حسب الناس. هو إنسان مميز: أمين في ضعفه، ثابت في هويته، وسباح ضد التيار ليوصل للمسيح — المنبع الحقيقي للحياة.

――――――――――――――

❓أسئلة أفكر فيها لنفسي:

🤔 هل بقيس قوتي بمعايير العالم… ولا بمعايير الأمانة للمسيح؟

🤔 هل بغير مواقفي ونبرتي عشان أرضي الناس… ولا بعيش بثبات في الحق حتى لو رفضوني؟

🤔 هل أنا بسبح مع التيار… ولا بسبح عكسه زي السالمون عشان أوصل للمنبع؟

――――――――――――――

💪 Challenge

📌 اختار موقف واحد بسيط هتكون فيه محتاج تقول "لا" لتيار أو ضغط حواليك. قلها بثبات وبهدوء… حتى لو شكلك ضعيف أو "مش مواكب."

💡 الهدف: تتدرّب على الأمانة في هويتك المسيحية… وتعيش إنك مش "عادي"، لكن ابن لله، مدعو للطريق الضيق.