🎧 اسمع… قبل ما تحكم!

”فليكن كل إنسان مسرعًا في الاستماع، مبطئًا في التكلم، مبطئًا في الغضب“ (يعقوب ١: ١٩)

👂 الاستماع مش رفاهية … الاستماع هو وسيلة أساسيه لنجاح خدمتك.

المسيح بنفسه علّمنا إن الاستماع قبل الحكم هو الطريق لاحتواء النفوس وتغييرها. وأنت كمان لازم تتعلم ده عشان تكون خادم ناجع قادر على توصيل اولادك للمسيح

――――――――――――――

✨ ٣ مبادئ أساسية لو عايز استماعك يبقى وسيلة لنجاح خدمتك:

1️⃣ وسع قلبك قبل ما تتكلم 💬

2️⃣ متنساش انك خادم مش حاكم 👑✖️

3️⃣ شارك وجعه… توصله حبك 🫂

――――――――――――――

1️⃣ وسع قلبك قبل ما تتكلم 💬

بولس كان مضطهِد الكنيسة… لكن المسيح ما حكمش عليه حكمًا قاسيًا.

قال له : ”شاول، شاول، لماذا تضطهدني؟“ (أعمال ٩: ٤)

المسيح ما قصّاهوش… لكنه احتواه وحوّله من عدو إلى رسول عظيم.

💡 القلب المتسع = أدي فرصة للتغيير من غير حكم.

👉 لما أسمع من غير إدانة… المخدوم يحس بالأمان و المحبة و هوه كمان قلبة يبقا قادر على الاستماع للنصيحه - بكده كلامك كلة معاه يتحول إلى وسيلة للتغير

الحكم المستعجل = سد باب الرجاء 💔

القلب المتسع = بداية حياة جديدة 🌱

――――――――――――――

3️⃣ متنساش انك خادم مش حاكم 👑✖️

يسوع مع المرأة السامرية (يوحنا ٤):

قعد معاها يحاورها، يسمعها وهي تعترض وتجرب تختبره… ما استهانش بيها ولا قطعها.

وبالحوار الهادئ قادها للماء الحي.

💡 التواضع يخلي ودانك أوسع… ويخلي المخدوم يحس إنك قريب مش بعيد.

👉 التواضع في الاستماع = قبول الآخر زي ما هو.

التكبّر = سد بينك وبين المخدوم قد يحول إلى عند و عداء 💔

التواضع = جسر يفتح القلب للتغيير 🌱

――――――――――――――

4️⃣ شارك وجعه… توصله حبك 🫂

يسوع عند قبر لعازر (يوحنا ١١: ٣٣–٣٥):

شاف دموع مريم ومرثا… وشاركهم دموعهم: “بكى يسوع”.

💡 الاحتواء مش مجرد ودن… الاحتواء قلب يحس ويدمع مع اللي قدامه.

👉 المخدوم محتاج يعرف إنك مش سامع بس… لكن حاسس.

ودن باردة = كلامي شكلي من غير عمق ولا يقدي لنتائج فعالة 💔

قلب حاسس = أمان وشفاء للنفس 🌱

――――――――――――――

✨ طيب أنا كخادم هستفيد ايه؟؟؟ كفايا عليا انبح صوتي طول الخدمة في الكلام كمان عايزني اسمع 🤷‍♀️📣

هتستفيد كتير…

✔ أعكس محبة المسيح للمخدوم.

✔ أكتسب فضائل عملية في حياتي مثل طول الاناه و اللطف

✔ أختبر شفاء داخلي - انشغالي بمشاكل الآخرين هيخليني غصب عني أنسا مشاكلي لحد ما تتحل لوحدها

✔ أعيش فرح الخدمة الحقيقي وانا بشوف ولادي بيقربوا للمسيح

تخيل كل ده من حاجه فعلا مش محتاجه اي مجهود

――――――――――――――

✨ التطبيق

وانتا بتخدم اسأل نفسك

❓هل بدّي للمخدوم إحساس إن كلامه مهم فعلًا؟

❓هل قلبي واسع ولا بأحكم و بأمر بس؟

❓هل بلمس مشاعر اللي قدامي بجد؟

❓هل بفتقد بس علشان أقدي واجب؟… ولا بخصص وقت عشان أحسس الأولاد بقيمتهم

――――――――――――――

💪 Challenge

جرّب في الفصل أو الخدمة تتعرف على حاجة جديدة عن واحد على الأقل من أولادك 👦👧.

📌 اسأله عن اهتماماته، لعبته المفضلة، أو موقف حصله الأسبوع ده.

💡 الهدف: لما تعرف تفاصيل صغيرة عن حياتهم… هتحسسهم إنهم مهمين عندك، وإنك مش بس سامع كلامهم، لكن محتويهم بجد.

✨ Bonus

المرة الجاية لما تشوفه، ارجع افتكر اللي قاله واسأله عنه.

مثال: “إيه الأخبار في الدرس اللي حكيتلي عنه الأسبوع اللي فات؟”

ده هيخليه يحس إنك مهتم فعلًا وبتفتكره 🙏